Allar íbúðir félagsins í Reykjavík eru í Sóltúni 28

Íbúðir 303 og 304 voru endurnýjaðar árið 2016 og eru nánast eins  í dag.

Íbúð 201 var keypt haustið 2017.  Hún er svipuð hinum tveimur að stærð, þó innréttingar séu aðeins öðruvísi.

Þessi lýsing á við allar íbúðirnar:

  • Tvö svefnherbergi, stofa, eldhús og bað.
  • Öll helstu heimilistæki eru í íbúðinni, þ.m.t. þvottavél.
  • Félagið leggur til allt lín, þ.e. sængurfatnað, handklæði, viskastykki og tuskur.
  • Sængur – sængurfatnaður og handklæði er fyrir 6 manns.
  • Tvö hjónarúm eru í íbúðinni, einnig eru til afnota tvö gestarúm.
  • Internet og sjónvarp er til staðar.

Íbúðirnar eru leigðar skv. reglunni "Fyrstur kemur fyrstur fær".

Á dagatalinu sést hvenær þær eru lausar og hægt er að panta íbúð hér.

Akureyri - Kjarnaskógur

Gata Sólarinnar nr. 11

Frábær staðsetning við vinsælar útivistarperlur Eyjafjarðar en aðeins um 4 km fjarlægð frá miðbæ Akureyrar.  Framkvæmdum við götuna lauk á árinu 2016.

Kjarnaskógur er náttúruperla sem hefur um langt árabil notið þrotlausrar aðhlynningar skógræktarmanna og eru þar frábærar göngu- og hlaupaleiðir. Í skóginum eru upplýstar göngubrautir, blakvöllur, leiktæki, líkamsræktartæki og sérhönnuð fjallahjólabraut svo dæmi séu nefnd. Á veturna er troðin braut fyrir skíðagöngufólk. Einnig er mjög fallegt og skemmtilegt útivistarsvæði ofan Kjarnaskógar en það er  útilífssvæðið við Hamra. Góð gönguleið er þangað úr Kjarnaskógi.

Stutt er í Hlíðarfjall sem er frábært skíðasvæði og líklega það vinsælasta á landinu. Golfvellir eru stutt frá.  Jaðarsvöllur – 18 holur, Leifsstaðir – 9 holur og Þverá – 18 holur.

Nálægðin við miðbæ Akureyrar gerir það að verkum að allir geta hæglega notið allrar þjónustu og afþreyingu sem bærinn og nágrenni hefur upp á að bjóða. Hvort heldur sem er að sumri eða vetri. 

Húsin eru sérstaklega hönnuð með íslenskar aðstæður í huga. Klæðning útveggja er harðviður og einangrun sérstaklega góð til að halda upphitunarkostnaði í lágmarki. 

Í húsinu eru 3 svefnherbergi (2 hjónaherbergi og 1 minna), tvö baðherbergi, alrými (eldhús, borðstofa, stofa) og forstofa.  Geymsla er á pallinum, þar eru þvottavél, ræstivörur, grill og fleira slíkt.

  • Heitur pottur er á pallinum og dyr úr öðru baðherberginu þangað út.
  • Félagið leggur til allt lín, þ.e. sængurfatnað, handklæði, viskastykki og tuskur.
  • Sængur – sængurfatnaður og handklæði er fyrir 8 manns.
  • Internet og sjónvarp er til staðar.

Á sumrin (júní -ágúst) er húsinu úthlutað til félagsmanna viku og viku í senn, en annars leigt út skv. pöntunum.

Á dagatalinu sést hvenær þær eru lausar og hægt er að panta íbúð hér.

Skrifstofan er opin alla virka daga kl. 13-16.

Stjórnendafélag Austurlands - Austurvegi 20 - 730 Reyðarfirði

Kennitala 451275-3059 - Sími 864 4921 This email address is being protected from spambots. You need JavaScript enabled to view it.